編按：劉遵義任內校園民主倒退，管理層與中大友關係撕裂，還有人在報章撰文「惜別」。
星島日報
Z07 | 豪式品味 | 中環會客室 | By 香樹輝
2010-07-04
6月30日中午，中文大學在校長府邸「漢園」舉行一個簡單酒會，惜別劉遵義校長，歡迎沈祖堯新校長，到場參加的有校董和中文大學的書院院長、學院院長及行政高層等等，重要嘉賓有已退休的校長馬臨、李國章及金耀基3位教授。
酒會由校董會主席鄭海泉主持，他致辭時稱讚新校長沈教授在中大工作25年，為有心服務中大的中大人，將來必能對中大有所建樹、有所貢獻。他又讚揚劉校長在校6年，鞏固和擴大了中大的書院制，籌得款項近30億元，對中大的貢獻良多。
筆者於2002年間，李國章校長辭職就任教育局局長前，獲新亞書院校董會推舉為中大校董，三屆任期將於明年告滿。2004年劉校長上任後，彼此交往較多，因此對劉校長的認識，是透 過第一身接觸，不是人云亦云。過去6年，劉校長在中大推動了基本性、結構性的改革，將影響中大數十年，舉例如下：
（一）任內建立法律學院，建立教學酒店和多幢新教學大樓；（二）為配合三三四學制，建立5間新書院，擴大了中大獨有的書院制基礎，新書院提供更多的宿舍和不同的教學理念予新學制下入學的同學；（三）在2006年制訂10年策略發展計畫，重點發展5個特選學術領域，建立兩所國家級重點實驗室，在深圳籌建兩所研究院；（四）改組教務會和校董會，樹立全球招聘學位院長（Faculty Dean）的制度，聘得一流學者到中大；（五）訂立10年校園發展計畫。以上各項「大工程」，劉校長在短短6年間達致，著著顯示了他的魄力，為中大晉升為全球一級學府之列，奠下根基。他在外籌款，每以幫助學生為念，認為大學的主要任務是培養學生的理性思考和個人誠信，對於外間對他的閒言閒語，劉校長從不放在心內，不時對筆者說：「相忍為校！」中大的校史會給他一個公正的評價！
2010年7月3日 星期六
左丁山：何苦自作賤
編按：員工總會會長吳曉真批評中大，左丁山叫佢咪留低。與「唔鍾意香港無民主咪唔好留係香港」同樣邏輯。
蘋果日報
E07 | 名采論壇 | GG細語 | By 左丁山 2010-07-03
星期三本欄講諜影重重，估唔到現實生活裏立即發生。星期二BBC晨早報導美國FBI大破俄羅斯間諜網，拘捕十人。據講呢班間諜以不同身份，甚至係生兒育女夫妻檔，潛伏美國多年，搜集不同情報，而輸送情報嘅方法就同間諜電影、小說嘅情節一模一樣。一位美國太太對於鄰居夫婦竟然係俄國間諜，大表震驚，話發夢都估唔到。
所以呢，現實政治係好殘酷嘅，並非理想主義、空想主義、左傾盲動主義、右傾盲動主義等等激進分子想得咁簡單，有啲可能讀政治學讀到走火入魔，信書本所言，信足百分之一千，咁就一世空想，不能自拔。
左丁山將篇「曲線入中大」（高慧然，六月廿七日）交畀三位來自上海、瀋陽及南京嘅內地生睇，問佢哋嘅意見，呢三 位學生分別自浸會大學及中文大學得學士及碩士學位，現留港工作。兩女一男睇完後，猛咁搖頭，對左丁山講：「全省考24,776名，可以入到中文大學，完全不可能。我們認識的一些中大內地生的高考成績，棒得很，達到北大、清華的要求，只是他們選擇來香港而已，這位大陸讀者一定是誤聽流言。」
到大陸讀中學，以內地高考成績參加全國聯招，報讀中大，考到全省第247名就可能一定得，考到第24,776名，要搵神仙賜福打救。有人講中大係不入流大學，又有中大職員吳曉真（中大員工總會會長，據YouTube video，職員疑似是吳曉真）講CUHK即係The Cheapest University of Hong Kong，咪由得佢哋講到夠囉，如果中大係最cheap嘅大學，做乜留戀中大嗰份工呀，有料嘅，走去另一間CUHK（城市大學）搵工啦，唔好自貶身價，侮辱自己。
呢間未入流嘅cheap U又幾惹人妒忌噃。據《南華早報》（六月廿七日）報導，全世界最高級，最有prestige之一嘅獎學金Rhodes Scholarship（得獎人叫做Rhodes Scholar），由1998年至2010年呢十三年中，中大學生成為Rhodes Scholar十次，香港大學學生得過兩次（2001，2003），北京大學學生得過一次（2009），一間cheap U學生有如此驕人成績，咁港大與北大咪係cheaper than the cheapest？或者成個中國（包括香港）嘅大學都係咁Cheap，中大只係庸中佼佼？唔怪得陶傑成日崇洋，因為洋人唔會自作賤也。
蘋果日報
E07 | 名采論壇 | GG細語 | By 左丁山 2010-07-03
星期三本欄講諜影重重，估唔到現實生活裏立即發生。星期二BBC晨早報導美國FBI大破俄羅斯間諜網，拘捕十人。據講呢班間諜以不同身份，甚至係生兒育女夫妻檔，潛伏美國多年，搜集不同情報，而輸送情報嘅方法就同間諜電影、小說嘅情節一模一樣。一位美國太太對於鄰居夫婦竟然係俄國間諜，大表震驚，話發夢都估唔到。
所以呢，現實政治係好殘酷嘅，並非理想主義、空想主義、左傾盲動主義、右傾盲動主義等等激進分子想得咁簡單，有啲可能讀政治學讀到走火入魔，信書本所言，信足百分之一千，咁就一世空想，不能自拔。
左丁山將篇「曲線入中大」（高慧然，六月廿七日）交畀三位來自上海、瀋陽及南京嘅內地生睇，問佢哋嘅意見，呢三 位學生分別自浸會大學及中文大學得學士及碩士學位，現留港工作。兩女一男睇完後，猛咁搖頭，對左丁山講：「全省考24,776名，可以入到中文大學，完全不可能。我們認識的一些中大內地生的高考成績，棒得很，達到北大、清華的要求，只是他們選擇來香港而已，這位大陸讀者一定是誤聽流言。」
到大陸讀中學，以內地高考成績參加全國聯招，報讀中大，考到全省第247名就可能一定得，考到第24,776名，要搵神仙賜福打救。有人講中大係不入流大學，又有中大職員吳曉真（中大員工總會會長，據YouTube video，職員疑似是吳曉真）講CUHK即係The Cheapest University of Hong Kong，咪由得佢哋講到夠囉，如果中大係最cheap嘅大學，做乜留戀中大嗰份工呀，有料嘅，走去另一間CUHK（城市大學）搵工啦，唔好自貶身價，侮辱自己。
呢間未入流嘅cheap U又幾惹人妒忌噃。據《南華早報》（六月廿七日）報導，全世界最高級，最有prestige之一嘅獎學金Rhodes Scholarship（得獎人叫做Rhodes Scholar），由1998年至2010年呢十三年中，中大學生成為Rhodes Scholar十次，香港大學學生得過兩次（2001，2003），北京大學學生得過一次（2009），一間cheap U學生有如此驕人成績，咁港大與北大咪係cheaper than the cheapest？或者成個中國（包括香港）嘅大學都係咁Cheap，中大只係庸中佼佼？唔怪得陶傑成日崇洋，因為洋人唔會自作賤也。
2010年6月27日 星期日
左丁山撐劉遵義貢獻多
Apple Daily
A04 | 要聞 2010-06-27
左丁山撐劉遵義貢獻多
【本報訊】劉遵義、陳茂波之外，中大校董香樹輝成為昨日校友評議會的另一焦點。多名校友發言時批評，香樹輝經常以「左丁山」、「辛翠時」等筆名，在不同報章的專欄撰文為中大校方立場護航，並抨擊持不同意見的校友，指他作為中大校董應該反省。
香樹輝即場說，有關言論與昨日議程無關，有關校友是「扯開話題」，也是人身攻擊，他不會回應。休會期間他接受記者訪問時，強調不是用中大校董身份寫專欄，又多次提及記者的「老闆」，「Jimmy Lai（壹傳媒創辦人黎智英）搵我寫專欄時，我都唔係中大校董。」
「鍾意寫乜就寫乜」
對於會否減少在其專欄評論校政或校友，他說：「咁又唔會，我自己係鍾意寫乜就寫乜，我唔會講畀自己聽有啲乜嘢議題唔好寫，大老闆肥佬黎（黎智英）都唔鍾意人寫題材時有所顧忌啦。」
對於其「中大護法」角色及向來維護校長、校方立場，他解釋，「中大護法係出面啲朋友稱呼我，唔係我自己話自己。」他說自己對中大尤其新亞書院確有深厚感情，同時「我絕對支持佢（劉遵義），我認為佢對中大有好多貢獻，其他同學認為唔係，係佢哋嘅事。」香樹輝對劉遵義「不離不棄」，差不多成為昨日唯一肯公開挺劉的校友。
2010年6月21日 星期一
香樹輝：中大校友 Proxy War
上星期五《蘋果》李八方有篇「中大校友吹雞護校」，幾嚇人。不 少在中環尖沙嘴搏殺既校友，睇完嚇左一跳，互相打電話通報，因為佢地平時忙於打工，養妻活兒或養夫活女或夫妻同時在外勞動，上顧高堂，下養子女，幾難搵到時間理會中大校友會評議會之事。曾有一位月報總編輯，港大畢業，在中大羅碩士學位，於是港大中大既校友會評議會佢都去過。幾年前佢對左丁山講：「港大評議會開 AGM，半個鐘頭之內就可以散會。中大評議會呢，我去過一趟，淨係校友辯論就似足立法會，一講就成個下午，我開開下會議，見唔對路，都要鬆人啦，邊度有咁多時間呀？」
中大人性好辯，最叻自己鬧自己，在校時一定罵校長，畢業後本來冇時間鬧啦，要為前途著想，努力工作，但十年來興起一股潮流，就係有d人畢業之後還是留戀學生生活，唔想在社會競爭搏鬥，而係想返回熟悉校園搏鬥，在下一代學生面前顯威風，究竟目的目標為何，旁人想不通。端午節在馬場碰到港大校董會主席梁智鴻及徐校長，兩人都唔知幾輕鬆，梁主席掛上一個「起錨」標記，十分搶眼，如果佢係中大主席或中大校長，恐怕無此時間、心情矣！劉校長同是行會成員，如果佢亦掛個「起錨」襟章在中大出現，恐怕出唔到校門。港大學生會果然好有理性。
李八方（港大畢業生）驚中大唔夠熱鬧，公然為支 聯會常委李耀基（聯合政政 2009），徐淑梅（崇基心理 2002）及黃俊邦（逸夫政政 2006）三位拉票，徐、黃兩位曾做過亞視、港台及社民連，同是廿一世紀中大產品。李八方冇提及姓名另外三位校友評議會常委候選人，據知係呂令意（新亞英文 70），前何文田官中校長，現任中大香港教育研究所兼任導師（擬任校長培訓班）；李漢祥（崇基工管 1993），曾任 Oracle高級經理、現管理諮詢公司董事；蔡明都（聯合會計 1988）現任中大創業研究中心項目總監。以往本來冇乜中大人理會評議會選舉常委，經李八方大力宣傳，好多成日話唔得閒既校友紛紛起動，實行一次護校行動，防止激進分子惡搞，將校友評議會政治化。六月二十六日本是平凡日子，呢日崇基利黃碧瑤樓演講廳勢必逼爆。
來源：《蘋果日報》
中大人性好辯，最叻自己鬧自己，在校時一定罵校長，畢業後本來冇時間鬧啦，要為前途著想，努力工作，但十年來興起一股潮流，就係有d人畢業之後還是留戀學生生活，唔想在社會競爭搏鬥，而係想返回熟悉校園搏鬥，在下一代學生面前顯威風，究竟目的目標為何，旁人想不通。端午節在馬場碰到港大校董會主席梁智鴻及徐校長，兩人都唔知幾輕鬆，梁主席掛上一個「起錨」標記，十分搶眼，如果佢係中大主席或中大校長，恐怕無此時間、心情矣！劉校長同是行會成員，如果佢亦掛個「起錨」襟章在中大出現，恐怕出唔到校門。港大學生會果然好有理性。
李八方（港大畢業生）驚中大唔夠熱鬧，公然為支 聯會常委李耀基（聯合政政 2009），徐淑梅（崇基心理 2002）及黃俊邦（逸夫政政 2006）三位拉票，徐、黃兩位曾做過亞視、港台及社民連，同是廿一世紀中大產品。李八方冇提及姓名另外三位校友評議會常委候選人，據知係呂令意（新亞英文 70），前何文田官中校長，現任中大香港教育研究所兼任導師（擬任校長培訓班）；李漢祥（崇基工管 1993），曾任 Oracle高級經理、現管理諮詢公司董事；蔡明都（聯合會計 1988）現任中大創業研究中心項目總監。以往本來冇乜中大人理會評議會選舉常委，經李八方大力宣傳，好多成日話唔得閒既校友紛紛起動，實行一次護校行動，防止激進分子惡搞，將校友評議會政治化。六月二十六日本是平凡日子，呢日崇基利黃碧瑤樓演講廳勢必逼爆。
來源：《蘋果日報》
訂閱：
文章 (Atom)