2008年3月20日 星期四

高考生對劉遵義的一點意見

[下文是劉遵義施政監察收到的一封email內容]

我是一個準備考高考的學生,今日讀報,心有不忿,故草作寥寥數語,不吝賜正。

eric

劉遵義校長,你當什麼政協?

(蘋果日報.劉 遵 義 開 壇 又 遇 抗 議)

中大校方《中大學生報》情色版事件中,唔止冇撐學生,仲威嚇要作出處罰,最後雖然收手,但中大處理手法就惹猛烈批評。學生會會長林嘉嘉話,校長劉遵義噚日校長論壇上聲言校方冇錯,至於點解唔公開聆訊過程,佢話要尊重涉及事件學生私隱。

劉遵義係其中一名身兼全國政協大學校長,林嘉嘉指,學生當場質問劉遵義政協會議上提過乜提案,老校叫學生自己上網睇。政協汪阿姐要求北京畀民主派議員回鄉證,劉遵義稱自己係經濟學者,唔回應政治問題,又指擔任政協屬私事,學生唔好理咁多。如果你唔係中大校長,北京會搵你做政協?

劉先生: 
一.你稱自己係經濟學者,唔回應政治問題,咁你即係意指自己只會管關於經濟既事。既然係咁,你為什麼做中大校長呢?為什麼不好好做一個教授呢??
二.你說擔任政協屬私事,但你不知道全國政治協商會議係一個國家既咨詢架構,係公職,有公共責任。你將國家托付俾你既、對國家政策有一定影響力既職務當做「私事」,將公作私,你明白一個政協是做什麼的嗎??
三.你叫學生唔好理咁多,難道你不知道我地都是中華人民共和國既公民,有權參與國家嗎?難道你不知道政協就是要「為人民服務」,將人民的聲音帶到建制中嗎?難道你不知道你是人民的僕人嗎?

劉先生,請你迴避學生既問題時,多想一點,多準備一點,做到政治正確多一點。

沒有留言: