劉﹕兩次會見同學記

刊於遵義快訊第二期

書院精神 請客食飯

—我的逸夫夜話

筆名﹕牛精易

話說我响3月1 7號又到逸夫見吓啲同學仔。冇幾耐前， 我先响《大學線》講過， 聯合夜話先得1 1 條友出席， 證明同學幾唔關心校政。今日响逸夫， 竟然有成3 0 幾人， 仲以為又有人拉隊嚟抗議我﹗

一位居於澳門的逸夫人問我， 點解澳門人要俾八萬蚊學費； 我話， 呢個係政府政策。當然， 我唔會話佢知， 我寧願用大學嘅捐款去搞「榮譽新生」等獎學金吸引學生， 都唔會去減低祖國人民嚟中大讀書嘅費用。

院長沈生唔知點解突然間問我問題， 問我對書院制有咩期望同支援。我諗都唔洗諗， 書院就係，請客食飯！ 師生居於同一宿舍， 一齊生活一齊食飯， 上識三屆下識三屆！ 有咩期望？ 一齊食飯囉！ 呢個時候， 台下有校友竟然話我冇答沈院長嘅問題， 佢話而家啲老師忙於工作同研究， 根本冇時間參與書院活動， 問我有咩制度性措施協助， 特別係舊有書院？ 我好老實話， 冇辦法啦， 教授點都一定要研究， 教學又唔可以少， 書院嘅工作？都係食多餐飯吧啦！

臨近完場， 逸夫某人又吋我， 話咩中大竟然應書院嘅要求， 今年度增設逸夫循環線。哈哈， 條線經陳宿、國際生舍堂同十三院嘛，佢真係以為我哋為左逸夫開條新線？天真﹗

扮見同學無難度﹗

筆名：Bottle-2-Lau

這是我自從去年十月之後， 再次舉行的扮見同學活動。文化廣場從來都不是我的福地， 零五年近百人因為「國際化」事件圍剿我， 上一次則被人炮轟校園發展計劃。不過士別三日， 我上任已差不多四年， 應對都自如起來， 扮見同學對我已無難度！

一開場， 自然是要立即耍太極， 同事為我準備了一份幾千字的新聞稿， 又是那些我們會邀請甚麼甚麼人來中大， 我哋有幾多幾多捐款， 做左幾多幾多嘢， 讀到我差啲訓咁滯。途中只好不斷「印腳」，以保持清醒。

終於都讀完了。第一位發問的杜某， 又問我政協委員的事， 問我對中國事務如經濟甚至西藏的看法。真不識趣！ 於是我重申我以個人身份成為政協委員， 關於我經濟的看法， 就去我網頁看。這樣的回答多瀟灑！ 我心中都禁不住叫好！不過這杜某也真太笨， 連身份這樣的事都搞不清，正如我以個人身份成為中大校長， 以個人身份叫馬英九唔好嚟香港一樣之嘛！

周某校友又問我，情色版事件你點搞，俾學生的警告信仲未收返！我即刻話校長無權，管唔到呢啲事，一腳就踢咗個波俾輔導長蘇基朗， 睇佢答到口震震， 真係好笑！校長無咩權呢個藉口，又真係幾好用架噃。新書院、校園發展……校長全部都無咩權架咋，唔好問我。

又有一班學生問我，校園發展計劃要加入學生代表！我說研究緊。呀這時作為主持的學生會會長，竟然話我半年前已經話「研究緊」，究竟我要研究到幾時？頂，咁咪繼續研究囉！校園發展的詳細內容，我又一腳踢俾副校長程伯中，我真係幾鍾意阿程，佢自說自話的能力真係拍得住我。

無驚無險又到六點半，收工。